Maha HSC Result 2026 : बारावीचा निकाल आज जाहीर होणार, ‘या’ अधिकृत लिंकवर त्वरित पहा निकाल

महाराष्ट्र राज्य माध्यमिक व उच्च माध्यमिक शिक्षण मंडळ (MSBSHSE) द्वारे घेण्यात आलेल्या बारावीच्या (HSC) परीक्षेचा निकाल आज जाहीर होणार आहे. लाखो विद्यार्थी आणि पालक ज्या निकालाची आतुरतेने वाट पाहत होते, तो क्षण अखेर आला आहे. यंदाच्या वर्षी फेब्रुवारी-मार्च महिन्यात पार पडलेल्या या परीक्षेचा निकाल बोर्डाच्या अधिकृत वेबसाईटवर आज 2 मे दुपारी 12 वाजता उपलब्ध करून दिला जाईल.

Maha HSC Result 2026: महत्त्वाचे तपशील

महाराष्ट्र बोर्डाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांमार्फत ही परीक्षा आयोजित करण्यात आली होती. विद्यार्थी आपला सीट नंबर आणि आईचे नाव वापरून आपला निकाल ऑनलाइन पाहू शकतात.

निकाल पाहण्यासाठी ५ अधिकृत लिंक्स (Direct Links)

निकाल जाहीर झाल्यानंतर सर्व्हरवर येणारा ताण लक्षात घेता, बोर्डाने एकापेक्षा जास्त वेबसाईटवर निकाल उपलब्ध करून दिला आहे. तुम्ही खालीलपैकी कोणत्याही लिंकवर क्लिक करून तुमचा निकाल पाहू शकता:

निकाल 12 वाजता प्रसिध्द होणार…..

• https://hscresult.mahahsscboard.in/(सर्वात महत्त्वाची वेबसाईट)
• hscresult.mkcl.org (जलद निकालासाठी)
• mahahsscboard.in (अधिकृत बोर्ड वेबसाईट)
• results.gov.in (भारत सरकारचे निकाल पोर्टल)
• https://results.navneet.com/ (विशेष बारावी निकाल लिंक)

बारावीचा निकाल ऑनलाइन कसा तपासायचा? (Step-by-Step Guide)

तुमचा निकाल पाहण्यासाठी खालील सोप्या स्टेप्स फॉलो करा:

1. सर्वात आधी वर दिलेल्या कोणत्याही एका अधिकृत वेबसाईटला भेट द्या.
2. होमपेजवर ‘HSC Examination Result 2026’ या लिंकवर क्लिक करा.
3. आता तुमचा ‘Roll Number’ (सीट नंबर) अचूक टाका.
4. त्यानंतर तुमच्या आईच्या नावाचे पहिले ३ अक्षरे किंवा पूर्ण नाव (Mother’s First Name) टाईप करा.
5. ‘View Result’ किंवा ‘Submit’ बटणावर क्लिक करा.
6. तुमचा निकाल स्क्रीनवर दिसेल, त्याची प्रिंट आउट घ्या किंवा स्क्रीनशॉट काढून ठेवा.

SMS द्वारे निकाल कसा मिळवायचा?

जर इंटरनेटचा वेग कमी असेल किंवा वेबसाईट उघडत नसेल, तर तुम्ही एसएमएसद्वारे देखील निकाल मिळवू शकता. त्यासाठी खालीलप्रमाणे मेसेज करा:

MHHSC [स्पेस] [तुमचा सीट नंबर] आणि हा मेसेज 57766 या क्रमांकावर पाठवा. काही वेळातच तुमचा विषयनिहाय निकाल तुमच्या मोबाईलवर येईल.

गुणपत्रिका आणि पुढील प्रवेश प्रक्रिया

ऑनलाइन निकाल जाहीर झाल्यानंतर, विद्यार्थ्यांना त्यांच्या मूळ गुणपत्रिका (Original Marksheet) काही दिवसांनी त्यांच्या संबंधित कनिष्ठ महाविद्यालयातून (Junior College) मिळतील. ज्या विद्यार्थ्यांना आपल्या गुणांची पडताळणी (Verification) किंवा पुनर्मूल्यांकन (Revaluation) करायचे आहे, त्यांच्यासाठी बोर्डाकडून स्वतंत्रपणे तारखा जाहीर केल्या जातील.

उत्तीर्ण झालेल्या सर्व विद्यार्थ्यांचे मनःपूर्वक अभिनंदन आणि पुढील वाटचालीस खूप खूप शुभेच्छा!