Indian Army Bharti 2025 : भारतीय सैन्य अग्निवीर भरती GD/Technical/Clerk/Tradesman

Indian Army AgniVeer Bharti 2025 – भारतीय सैन्यात करिअर करण्याची इच्छा असणाऱ्या तरुणांसाठी एक सुवर्णसंधी उपलब्ध झाली आहे. भारतीय सैन्याने अग्निवीर भरती 2025-26 साठी अर्ज प्रक्रिया सुरू केली असून, इच्छुक उमेदवारांना आता आपले स्वप्न पूर्ण करण्याची संधी मिळणार आहे. ही भरती अग्निपथ योजनेअंतर्गत आयोजित केली जात असून, यामुळे देश सेवेची आवड असणाऱ्या तरुणांना सैन्यात सामील होण्याची संधी मिळेल. या लेखात आपण भारतीय सैन्य अग्निवीर भरती 2025 बद्दल सविस्तर माहिती जाणून घेणार आहोत.

अग्निवीर भरती 2025 माहिती

भारतीय सैन्याने अग्निवीर भरतीसाठी जाहिरात जारी केली असून, ही प्रक्रिया ऑनलाइन पद्धतीने पार पडणार आहे. इच्छुक उमेदवारांना भारतीय सैन्याच्या अधिकृत संकेतस्थळावर म्हणजेच joinindianarmy.nic.in वर जाऊन अर्ज सादर करावा लागेल.

अर्ज प्रक्रिया 12 मार्च 2025 मध्ये सुरू झाली असून, अर्ज करण्याची अंतिम तारीख 10 एप्रिल 2025 आहे. या भरतीअंतर्गत विविध पदांसाठी उमेदवारांची निवड केली जाणार आहे, ज्यात जनरल ड्यूटी (GD), सैनिक क्लर्क, सैनिक ट्रेड्समन आणि सैनिक टेक्निकल यांचा समावेश आहे.

पात्रता निकष – Eligibility Criteria

अग्निवीर भरतीसाठी काही मूलभूत पात्रता निकष निश्चित करण्यात आले आहेत. यामध्ये शैक्षणिक पात्रता आणि वयोमर्यादा यांचा समावेश आहे:

1. शैक्षणिक पात्रता: – Educational Qualification
   • जनरल ड्यूटी (GD): उमेदवाराने मान्यताप्राप्त शिक्षण मंडळातून किमान 45% गुणांसह 10वी उत्तीर्ण असणे आवश्यक आहे. प्रत्येक विषयात किमान 33% गुण असणे बंधनकारक आहे.
   • सैनिक टेक्निकल: विज्ञान शाखेतून (PCM – भौतिकशास्त्र, रसायनशास्त्र, गणित) 12वी उत्तीर्ण असणे आवश्यक आहे. यासाठी किमान 50% गुण आणि प्रत्येक विषयात 40% गुण असणे गरजेचे आहे. किंवा ITI/Diploma Polytechnic
   • सैनिक क्लर्क/स्टोअर कीपर: कोणत्याही शाखेतून 12वी उत्तीर्ण असणे आवश्यक आहे. याशिवाय इंग्रजी आणि गणित/अकाउंटन्सी मध्ये किमान 50% गुण असणे अपेक्षित आहे.
   • सैनिक ट्रेड्समन: 8वी किंवा 10वी उत्तीर्ण उमेदवार या पदासाठी अर्ज करू शकतात. प्रत्येक विषयात किमान 33% गुण असणे आवश्यक आहे.
2. वयोमर्यादा:
   • उमेदवाराचे वय 17.5 ते 21 वर्षांच्या दरम्यान असावे. म्हणजेच, जन्म 1 ऑक्टोबर 2004 ते 1 एप्रिल 2008 दरम्यान झालेला असावा.

निवड प्रक्रिया

अग्निवीर भरतीची निवड प्रक्रिया दोन टप्प्यांमध्ये पार पडेल:

1. ऑनलाइन लेखी परीक्षा (CEE): पहिल्या टप्प्यात उमेदवारांना संगणक आधारित ऑनलाइन परीक्षा द्यावी लागेल. ही परीक्षा 100 गुणांची असेल आणि त्यात वस्तुनिष्ठ प्रश्न विचारले जातील. ही परीक्षा एप्रिल 2025 मध्ये आयोजित केली जाण्याची शक्यता आहे.
2. शारीरिक चाचणी आणि वैद्यकीय तपासणी: लेखी परीक्षेत यशस्वी झालेल्या उमेदवारांना शारीरिक दक्षता चाचणी (PET) आणि शारीरिक मानक चाचणी (PST) साठी बोलावले जाईल. यात दौड, उंच उडी, लांब उडी आणि इतर शारीरिक कसोट्या असतील. यानंतर वैद्यकीय तपासणी होईल आणि शेवटी अंतिम गुणवत्ता यादी तयार केली जाईल.

भरतीतील बदल

या वर्षी अग्निवीर भरती प्रक्रियेत काही महत्त्वाचे बदल करण्यात आले आहेत:

• दोन पदांसाठी एकच अर्ज: आता उमेदवार एकाच अर्जाद्वारे दोन पदांसाठी अर्ज करू शकतात. यामुळे त्यांना अधिक संधी उपलब्ध होईल. मात्र, प्रत्येक पदासाठी स्वतंत्र लेखी परीक्षा द्यावी लागेल, परंतु शारीरिक चाचणी फक्त एकदाच द्यावी लागेल.
• टायपिंग टेस्ट: सैनिक क्लर्क पदासाठी प्रथमच ऑनलाइन टायपिंग टेस्ट अनिवार्य करण्यात आली आहे. ही चाचणी CEE सोबतच घेतली जाईल.

अर्ज कसा करावा?

1. सर्वप्रथम भारतीय सैन्याच्या अधिकृत संकेतस्थळावर joinindianarmy.nic.in वर जा.
2. “Agniveer Recruitment 2025” लिंकवर क्लिक करा.
3. स्वत:ची नोंदणी करा आणि लॉगिन आयडी आणि पासवर्ड तयार करा.
4. अर्ज फॉर्म भरा, आवश्यक कागदपत्रे अपलोड करा आणि परीक्षा शुल्क (रु. 250) ऑनलाइन पद्धतीने जमा करा.
5. अर्ज सबमिट केल्यानंतर त्याची प्रिंटआउट घेऊन ठेवा.

जाहिरात डाउनलोड करा